ကျွန်ုပ်တို့၏ ထုတ်ကုန်များကို စိတ်ကြိုက်ကြည့်ရှုပြီး သင်နှစ်သက်ရာ ပစ္စည်း၊ အရေအတွက်နှင့် အမျိုးအစားကို ရွေးချယ်ကာ “ခြင်းတောင်းထဲထည့်မည် (Add to Cart)” သို့မဟုတ် တိုက်ရိုက်ဝယ်ယူရန် “အခုပဲဝယ်မည် (Buy Now)” ကို နှိပ်ပါ။ ပစ္စည်းများ ရွေးချယ်ပြီးပါက “ခြင်းတောင်း (Cart)” ထဲသို့သွား၍ “ငွေပေးချေရန် (Checkout)” ကို ဆက်လက် လုပ်ဆောင်နိုင်ပါသည်။ အော်ဒါကို Register အဖွဲ့ဝင်အဖြစ် အကောင့်ဖွင့်၍သော်လည်းကောင်း၊ အကောင့်မဖွင့်ဘဲ ဧည့်သည် (Guest) အဖြစ်သော်လည်းကောင်း မှာယူနိုင်ပါသည်။ အကောင့်ဖွင့်ထားပါက နောက်နောင်မှာယူမှုများအတွက် ပိုမိုမြန်ဆန်လွယ်ကူစေပါသည်။ ငွေပေးချေမှုနှင့် ပို့ဆောင်ရမည့် အချက်အလက်များကို အတည်ပြုပြီးနောက်၊ အော်ဒါတင်မှု အောင်မြင်ကြောင်း အီးမေးလ်ကို လက်ခံရရှိမည် ဖြစ်ပါသည်။ ကျေးဇူးတင်ပါသည်!

အော်ဒါတင်ပြီးသွားပါက အချက်အလက်များကို ချက်ချင်းပြင်ဆင်ပေးနိုင်ရန် အမြဲတမ်း အာမမခံနိုင်ပါ။ သို့သော်လည်း သင့်အော်ဒါ၏ လက်ရှိအခြေအနေ (Fulfilment status) ကို စစ်ဆေးနိုင်ရန်အတွက် အော်ဒါနံပါတ်နှင့်တကွ ကျွန်ုပ်တို့ထံ အမြန်ဆုံး ဆက်သွယ်ပေးပါ။ သင့်အော်ဒါမှာ ထုပ်ပိုးခြင်း သို့မဟုတ် ပို့ဆောင်ရန် ထွက်ခွာခြင်း မရှိသေးပါက သင်ပြင်ဆင်လိုသည်များကို အတတ်နိုင်ဆုံး ကူညီဆောင်ရွက်ပေးသွားမည် ဖြစ်ပါသည်။ ကျွန်ုပ်တို့ထံ ဆက်သွယ်ရန် -info@awwessentials.com

အစီအစဉ်များ ပြောင်းလဲသွားနိုင်သည်ကို ကျွန်ုပ်တို့ နားလည်ပေးပါသည်။ အကယ်၍ အော်ဒါကို ပယ်ဖျက်လိုပါက အော်ဒါတင်ပြီးနောက် အမြန်ဆုံးအချိန်အတွင်း အော်ဒါနံပါတ်နှင့်တကွ ကျွန်ုပ်တို့ထံ ဆက်သွယ်ပေးပါ။ သင့်အော်ဒါကို ထုပ်ပိုးပြီးဖြစ်စေ၊ ပို့ဆောင်ရန် ထွက်ခွာသွားပြီဖြစ်စေ ဆိုပါက ပယ်ဖျက်ပေးရန် မဖြစ်နိုင်တော့ပါ။ ထိုသို့သောအခြေအနေမျိုးတွင် ကျွန်ုပ်တို့၏ “ပစ္စည်းပြန်လည်လဲလှယ်ခြင်းဆိုင်ရာ မူဝါဒ (Returns & Exchange Policy)” တွင် အသေးစိတ် ထပ်မံကြည့်ရှုနိုင်ပါသည်။

အော်ဒါတင်ပြီးနောက်တွင် သင်၏ အော်ဒါနံပါတ်နှင့် အမှာစာအနှစ်ချုပ် ပါဝင်သော အတည်ပြုအီးမေးလ် (Email Confirmation) တစ်စောင်ကို လက်ခံရရှိမည် ဖြစ်ပါသည်။ ထို့အပြင် သင်၏ AWW Essentials အကောင့်သို့ ဝင်ရောက်ကာ အော်ဒါအခြေအနေကို အချိန်မရွေး စစ်ဆေးနိုင်ပါသည်။

သင်၏ အော်ဒါနံပါတ်ကို ငွေပေးချေမှုအောင်မြင်ပြီးနောက် ပေါ်လာမည့် အတည်ပြုစာမျက်နှာ (Confirmation Page)၊ AWW Essentials မှ ပေးပို့သော အတည်ပြုအီးမေးလ် နှင့် သင်၏ အကောင့်မှတ်တမ်း (Order History) တို့တွင် မြင်တွေ့နိုင်ပါသည်။ (အကောင့်ဖွင့်ထားသူများအတွက်သာ)

သင့်အော်ဒါကို ကျွန်ုပ်တို့၏ ပစ္စည်းပို့ဆောင်ရေးလုပ်ငန်းမှတစ်ဆင့် ပေးပို့ပြီးပါက ပစ္စည်းပေးပို့မှုအတည်ပြုချက်အီးမေးလ် (Delivery Confirmation Email) ကို ပေးပို့ပေးသွားမည် ဖြစ်ပါသည်။ အကယ်၍ သင့်တော်သော အချိန်တစ်ခုအထိ မည်သည့်အချက်အလက်မှ လက်ခံရရှိခြင်းမရှိပါက သို့မဟုတ် ပစ္စည်းပေးပို့မှုနှင့်ပတ်သက်၍ သိလိုသည်များရှိပါက အကူအညီရယူရန် info@awwessentials.com သို့ ဆက်သွယ်မေးမြန်းနိုင်ပါသည်။

ကျွန်ုပ်တို့ထံ ချက်ချင်းဆက်သွယ်ပေးပါရန်နှင့် ပစ္စည်း၏ ဓာတ်ပုံကို ပေးပို့ပေးပါရန် မေတ္တာရပ်ခံအပ်ပါသည်။ ပစ္စည်းအသစ်ပြန်လည်လဲလှယ်ပေးခြင်း (သို့မဟုတ်) ငွေပြန်အမ်းပေးခြင်းတို့ကို ကျွန်ုပ်တို့ဘက်မှ အကောင်းဆုံး ဆောင်ရွက်ပေးသွားမည် ဖြစ်ပါသည်။

သင့်အော်ဒါတင်ပြီးနောက် ငွေပေးချေမှုအတည်ပြုပြီးသည်နှင့် ကျွန်ုပ်တို့ဘက်မှ ပစ္စည်းများကို ချက်ချင်းစတင်ပြင်ဆင်ပေးပါသည်။ အော်ဒါဆောင်ရွက်ချိန်မှာ ပစ္စည်းမပို့ဆောင်မီ ပုံမှန်အားဖြင့် ရုံးဖွင့်ရက် (၁) ရက်မှ (၂) ရက်အတွင်း ကြာမြင့်နိုင်ပါသည်။ သင့်အော်ဒါကို ထုပ်ပိုးပြီး ပစ္စည်းပို့ဆောင်ရေးလုပ်ငန်းသို့ လွှဲပြောင်းပေးအပ်ပြီးပါက အီးမေးလ်မှတစ်ဆင့် အကြောင်းကြားပေးသွားမည်ဖြစ်ပါသည်။ သို့သော်လည်း စနေ၊ တနင်္ဂနွေ၊ ရုံးပိတ်ရက်များနှင့် ပရိုမိုးရှင်းကာလများတွင် အော်ဒါအရေအတွက် များပြားနိုင်သောကြောင့် ပုံမှန်ထက် အနည်းငယ် ပိုမိုကြာမြင့်နိုင်သည်ကို မေတ္တာရပ်ခံ အသိပေးအပ်ပါသည်။

ကျွန်ုပ်တို့ထံတွင် Visa နှင့် Mastercard ကဲ့သို့သော နိုင်ငံတကာသုံးကတ်များ၊ MPU ကဲ့သို့သော ပြည်တွင်းသုံးဘဏ်ကတ်များ၊ ပြည်တွင်း Mobile Pay အက်ပ်များအပြင် သတ်မှတ်ထားသော နယ်မြေဒေသများအတွက် ပစ္စည်းရောက်မှ ငွေချေစနစ် (Cash on Delivery) တို့ဖြင့် စိတ်ချလက်ချ ပေးချေနိုင်ပါသည်။ 

ပစ္စည်းရောက်ရှိမည့်ကြာမြင့်ချိန်မှာ သင့်တည်နေရာပေါ်မူတည်၍ ကွဲပြားနိုင်ပါသည် - ရန်ကုန်မြို့တွင်း - ပုံမှန်အားဖြင့် ရုံးဖွင့်ရက် (၄) ရက်မှ (၅) ရက်အတွင်း။ အခြားမြို့ကြီးများနှင့် နယ်ဒေသများ - ပုံမှန်အားဖြင့် ရုံးဖွင့်ရက် (၅) ရက်မှ (၇) ရက်အတွင်း။ စနေ၊ တနင်္ဂနွေ၊ အစိုးရရုံးပိတ်ရက်များနှင့် ပရိုမိုးရှင်းကာလများတွင် ပစ္စည်းပို့ဆောင်ချိန် အနည်းငယ် ပြောင်းလဲမှုရှိနိုင်ပါကြောင်း အသိပေးအပ်ပါသည်။

မြန်မာနိုင်ငံတစ်ဝှမ်းလုံးသို့ သင့်တင့်မျှတသော ပို့ဆောင်ခနှုန်းထားများဖြင့် ဝယ်ယူသူများထံ အရောက်ပို့ဆောင်ပေးနေပါသည်။ ပို့ဆောင်ခကို သင်၏တည်နေရာနှင့် အော်ဒါအမျိုးအစားပေါ်မူတည်၍ Checkout စာမျက်နှာတွင် အလိုအလျောက် တွက်ချက်ပေးသွားမည် ဖြစ်ပါသည်။ တစ်ခါတစ်ရံတွင် ပစ္စည်းပို့ဆောင်ခ အခမဲ့ပရိုမိုးရှင်း (Free Shipping Promotions) များ ရှိတတ်သောကြောင့် နောက်ဆုံးရသတင်းအချက်အလက်များအတွက် ကျွန်ုပ်တို့၏ ဝဘ်ဆိုက်နှင့် လူမှုကွန်ရက်စာမျက်နှာများကို စောင့်ကြည့်ပေးရန် ဖိတ်ခေါ်အပ်ပါသည်။ ကျေးဇူးတင်ပါသည်။

လက်ရှိတွင် ကျွန်ုပ်တို့သည် မြန်မာနိုင်ငံအတွင်း (ပြည်တွင်း) သို့သာ ပစ္စည်းများ ပို့ဆောင်ပေးလျက် ရှိပါသည်။ နောင်အနာဂတ်တွင် ပိုမိုကျယ်ပြန့်စွာ ပို့ဆောင်ပေးနိုင်ရန် ကြိုးပမ်းနေပြီး ကျွန်ုပ်တို့၏ တိုးတက်လာမည့် အစီအစဉ်သစ်များကိုလည်း စောင့်မျှော်ကြည့်ရှုပေးပါဦး။

အော်ဒါတိုင်းကို စနစ်တကျ ဂရုတစိုက် ထုပ်ပိုးထားပြီး ကျွန်ုပ်တို့၏ ယုံကြည်စိတ်ချရသော ပြည်တွင်းပို့ဆောင်ရေး မိတ်ဖက်များနှင့် အခြားခိုင်မာသော ပစ္စည်းပို့ဆောင်ရေးလုပ်ငန်းများမှတစ်ဆင့် ပေးပို့ပါသည်။ ပစ္စည်းများ စတင်ပေးပို့သည်နှင့် (Order details) ပါဝင်သော အတည်ပြုအီးမေးလ်တစ်စောင်ကို လက်ခံရရှိမည် ဖြစ်ပါသည်။ ကျွန်ုပ်တို့၏ ပစ္စည်းပို့ဆောင်ချိန်များသည် ခန့်မှန်းခြေအချိန်များသာဖြစ်ပြီး အတည်သေ အာမခံချက်ပေးထားခြင်း မဟုတ်ပါ။ အဆိုပါ ခန့်မှန်းခြေအချိန်များကို ရုံးဖွင့်ရက်များ (စနေ၊ တနင်္ဂနွေနှင့် ရုံးပိတ်ရက်များ မပါဝင်ပါ) ဖြင့်သာ တွက်ချက်ထားခြင်း ဖြစ်ပါသည်။ ကျွန်ုပ်တို့၏ မိတ်ဖက်ပို့ဆောင်ရေးအဖွဲ့သည် သင် Checkout တွင် ပေးခဲ့သော လိပ်စာအတိုင်း အိမ်အရောက် ပို့ဆောင်ပေးသွားမည် ဖြစ်ပါသည်။ ကျေးဇူးတင်ရှိပါသည်။

အောက်ပါအခြေအနေများ ရှိပါက ပစ္စည်းပြန်လည်ပေးအပ်ခြင်း (သို့မဟုတ်) လဲလှယ်ခြင်းကို လက်ခံဆောင်ရွက်ပေးပါသည်။ လက်ခံရရှိသော ပစ္စည်းသည် ချို့ယွင်းချက်ရှိနေခြင်း (သို့မဟုတ်) ပျက်စီးနေခြင်း။ ပစ္စည်းအမျိုးအစား သို့မဟုတ် ဆိုဒ် (Size) မှားယွင်းရောက်ရှိလာခြင်း။ လက်ခံရရှိသောပစ္စည်းမှာ မှာယူထားသည့်အချက်အလက်များနှင့် ကွဲလွဲနေခြင်း။ ပစ္စည်းလက်ခံရရှိပြီးနောက် (၂၄) နာရီအတွင်း ကျွန်ုပ်တို့၏ Customer Services အဖွဲ့ထံသို့ ဆက်သွယ်အကြောင်းကြားရမည် ဖြစ်ပါသည်။ လဲလှယ်မည့်ပစ္စည်းသည် အသုံးမပြုရသေးသော၊ လျှော်ဖွတ်ထားခြင်းမရှိသော၊ မူလအတိုင်းရှိနေသော ပစ္စည်းဖြစ်ရပါမည်။ ထို့အပြင် မူလထုပ်ပိုးမှု (Packaging) နှင့် Tag များအားလုံး ပါဝင်ရမည်ဖြစ်ပြီး စွန်းထင်းမှု သို့မဟုတ် ထိခိုက်ဒဏ်ရာများ ကင်းစင်ရပါမည်။ သက်သေအထောက်အထားအဖြစ် ပစ္စည်းနှင့် ထုပ်ပိုးမှုပုံစံကို ဓာတ်ပုံ (သို့မဟုတ်) ဗီဒီယို ရိုက်ကူးပေးပို့ရပါမည်။ ဤကိစ္စသည် ကျွန်ုပ်တို့ဘက်မှ ဝန်ဆောင်မှုအမှားကြောင့် ဖြစ်သောကြောင့် ဝယ်ယူသူဘက်မှ မည်သည့် ပို့ဆောင်ခမှ ထပ်မံပေးဆောင်ရန် မလိုပါ။

ပစ္စည်းပြန်လည်လဲလှယ်ရန် လိုအပ်ပါက ကျွန်ုပ်တို့၏အီးမေးလ် info@awwessentials.com သို့ ဆက်သွယ်ပေးပါ။ ထိုသို့ပေးပို့ရာတွင် သင်၏ အော်ဒါနံပါတ် (Order Number)၊ လဲလှယ်လိုသည့်အကြောင်းအရင်းနှင့် သက်သေအထောက်အထားအဖြစ် ဓာတ်ပုံ/ဗီဒီယိုများကိုပါ တစ်ပါတည်း ပူးတွဲပေးပို့ရပါမည်။ ကျွန်ုပ်တို့အဖွဲ့မှ သင်၏တောင်းဆိုချက်ကို ရုံးဖွင့်ရက် (၃) ရက်မှ (၅) ရက်အတွင်း စစ်ဆေးပေးသွားမည် ဖြစ်ပါသည်။ လဲလှယ်ရန် အတည်ပြုပြီးပါက ပစ္စည်းပြန်လည်ပေးပို့ရမည့် လိပ်စာနှင့် အသေးစိတ်ညွှန်ကြားချက်များကို ပြန်လည်အကြောင်းကြားပေးပါမည်။ ပစ္စည်းတွင် ချို့ယွင်းချက်ရှိခြင်း သို့မဟုတ် ကျွန်ုပ်တို့ဘက်မှ မှားယွင်းပို့ဆောင်မိခြင်း မဟုတ်ပါက ပစ္စည်းပြန်လည်ပေးပို့ခနှုန်းထားများကို ဝယ်ယူသူဘက်မှ ကျခံရမည်ဖြစ်ကြောင်း အသိပေးအပ်ပါသည်။ လုံခြုံစိတ်ချရစေရန်အတွက် ပစ္စည်းခြေရာခံနိုင်သော (Trackable) ပို့ဆောင်ရေးဝန်ဆောင်မှုမျိုးကို အသုံးပြုရန် အကြံပြုလိုပါသည်။

ပြန်လည်ပေးပို့လိုက်သော ပစ္စည်းကို ကျွန်ုပ်တို့ဘက်မှ လက်ခံရရှိပြီး စစ်ဆေးပြီးပါက အီးမေးလ် (သို့မဟုတ်) ဖုန်း Message မှတစ်ဆင့် အကြောင်းကြားပေးသွားမည် ဖြစ်ပါသည်။